أبد..ماجيت أبـارك ولكـن جيـت بأوصيـك
*****************على اللي نـاوي تدخـل بهـا الليله..مُعذبتـني
ترى لولا الظروف اللي عطتك وحدت محاكيك
*****************قسم بالله ماتدخـل عليهـا لـو علـى رقبتـي
ولكن النصيب أقوى ولا ادري ويش اسوي فيك
*****************نعم ..صارت معزّبتك..ولاصـارت معزّبتـي
كذا شاءت بنا الأقدار تحرمني لجـل تعطيـك
*****************كذا لازم عشان تفوز إنت..اخسـر بتجربتـي
تراها غاليـه جـداً ..وتكفـى..والله يخليـك
****************تدللها..تدلعها..تنسـيـهـا مصـاحـبـتـي
أنا من كثر ما اغليها أحس اني بديـت أغليـك
*****************ولا تسـأل بأيـة حـق؟ ولا وش مناسبتـي؟
لأنك لو بتسألنـي بتسمـع شـي مايرضيـك
****************لذا يا أخـوي لاتسـأل ولاتسمـع لأجوبتـي
أبيك تحطها في داخل عيونـك وبيـن ايديـك
****************وهي دلوعة إعتـادت علـى كثـرة مداعبتـي
فداعبها شوي شوي حتـى تشتهـي طاريـك
*****************وشاغبها إلين تقـول لـك: بطّـل مشاغبتـي
واذا هي مالها خلقك..ولاتضحـك ولاتسليّـك
****************تحملهـا واسألهـا: ياعمـري ليـه عصبتـي
وبالك أسمع أنك بيوم تضربها وهـي تشكيـك
*****************مايحتاج اوري لك بفـن الضـرب موهبتـي
صحيح إنك بتملكها ومعـك العقـد بالتمليـك
*****************وا نا عارف حدود الله ومـن حقـك معاقبتـي
ولكن قولها المجنون وصانـي وهـو يعنيـك
*** ***********يقـول إنـه بينتظـرك ولـو شيّـب وشيّبتـي
وانا مجنونها اللي مانساهـا وانـت مايمديـك
******************تغطي ذكرياتي في هواها ..وربـع تجربتـي
أحس إني تماديت بكلامي..والغضـب حاديـك
*******************لو إنك في مكانـي ماتفكـر فـي محاسبتـي
كفاك اني تركت الليله اشغالي عشـان اجيـك
******************* دخلت القاعه برجلي ولا ادري ويش عاقبتـي
وانا ماجيت اخرب عرسك الليلـه ولا أذّيـك
********************انا جيتك عشان اخاطبـك واسمـع مخاطبتـي
توصّى..وانتبه..واحرص عليهـا والله يهنيـك
********************تــرى كل الكلام اللي طلع من ضيقي ومن كبتي
ولكن ماقدرت انـي اقولـه وانـت مايخفيـك
*****************************أخاف انـي اذا قلتـه تقـوم وتقطـع رقبتـي
وسلامتكم
![[ العب مع الكبآر تموت كـ البقيه ^_* ]](https://i.servimg.com/u/f26/11/44/71/75/tuxalb10.png "[ العب مع الكبآر تموت كـ البقيه ^_* ]")
